sábado, 28 de outubro de 2006
A maravilha do Mirandês
Barba sin tiempo
Habie un rapaç que yá muito tiempo que namoraba cula moça i treminou a pedir-se-la al pai. L pai de la moça quando l biu dixo-le:
- Nin penses an casar-te cula mie filha. Purmeiro arranja barba i apuis ben a falar cumigo.
L rapaç alhá se fui mui triste pus inda nun tenie barba. Anton agarrou un xeixo dua ribeira i passaba ls dies a sgodar la cara cul xeixo a ber se le salie la barba. Tanto sgodou, tanto sgodou, que alhá le saliu la barba. Fui-se anton outra beç a tener cul pai de la moça, que le dixo:
- Cumo yá tenes barba, yá te puodes casar cula mie filha.
Eilhes alhá se casórun. Mas nun tenien nada i nin un nin outro ganhaba. Naqueilha casa nun habie nada de comer nin de buer. Por esso passában ls dies mui tristes. I dezie l rapaç:
- Nuites alegres, manhanas tristes, barba sin tiempo pa que nacistes.
Autor: Carlos Ferreira
Publicação nº 123 - recolha de JorgG
Sino tocado em
outubro 28, 2006 -
8 comentários
-> Deixe aqui o seu comentário <-
UM BLOGUE de Jorge P. Guedes - ©
Powered By: Blogger
FINAL DA PÁGINA
